نقل المجلدات من سرف الى سرف اخر

بسم الله الرحمن الرحيم
درسنا اليوم عن نقل الملفات والمجلدات من سيرفر لأخر باسهل وبعدة طرق

طبعا انا حاط موسوعة كاملة لاوامر المستعملة في الشل ورح اشرح عنها هون اكتر

مثلا انا عندي سيرفر واحد جيغا وعندي سيرفر تنين جيغا جديد ورح انقل سيرفر الواحد جيغا لسيرفر التنين جيغا

خلونا نشوف كيف الطريقة رح انقل مثلا مجلد ال home

بفوت على سيرفر الواحد جيغا وبكتب بلشل الامر

كود HTML:

apt-get install zip

zip -r home.zip /home/

رح تلاقي انو ضغط مجلد الهوم وصار مضغوط بصيغة زيب علروت

هلق رح نرسلو علسيرفر الجديد بلامر

scp home.zip root@136.65.342.12:/root

مع مراعاة تغير الايبي لأيبي سيرفرك الجديد
وهيك فيك تضغط ملف ملف بلسيرفر القديم وترسلو علسيرفر الجديدة
اثناء الارسال رح يطلب منك باسورد السيرفر الجديدة بتكتبو وتضغط انتر ورح تشوفو صار بلسيرفر الجديد بتروح علهي وتفك ضغطو وتنقل كل مجلد لمكانو الصحيح
استعمل الامر لنسخ المجلدات
كود HTML:

cp -r home/* /home



بهلطريقة رح تنقل المجلد يلي سحبتو لمكانو الصحيح متل ما كان قبل

اوك نتهينا من هلطريقة نجي نستعمل طريقة تانية ونفس الاسلوب بس رح نغير طريقة الضغط وفك الضغط

كود HTML:

tar -czvf home.tar.gz /home


ورح تلاقي المجلد نضغط وصار علروت ونرسلو عسيرفر الجديد متل ما شرحنا فوء او فيك تحفظ عندك علكمبيوتر

وامر فك ضغطو بكون بطريقة

كود HTML:
tar -zxvf home.tar.gz

مع تحياتي
AlGeneral
admin@almafia.org